२) २०८२ पौष २६ गते शनिबार २०१ औं मासिक चौथो शनिबारे हाईकिङ्ग ललितपुर जिल्लाको नल्लु भन्ज्यांगदेखि लामीडाँडा, मानेडाँडा, देउराली, लेले मनाकामनासम्म करिब १२ किलोमिटर हाईकिङ्ग सम्पन्न भयो।  पौष २६ गते आकाश खुलेकोले लामीडाँडा–मानेडाँडाबाट उत्तरतिर लश्करै हिमाल हाँसेका थिए पश्चिमबाट पूर्वतिर क्रमश: अन्नपूर्ण, मनास्लु, गणेश, लांगटांग, शिसापाङ्ग्मा, रोल्वालिंग, गौरीशंकर आदि। पदमार्गबाट काठमाडौँ उपत्यका वरिपरिका हरिया डाँडाहरु, महाभारत पर्वत श्रिङ्ग्खला छर्लंगै देखिन्थ्यो। १८०० मिटरबाट शुरु भएको पदमार्ग २३०० मिटरसम्म उकालो र ठाडो ओरालो झरेपछि १५०० मिटरमा पुगेर टुंगिन्छ। पदमार्ग धेरै लामो नभए पनि ५०० मिटर उकालो र ८०० मिटर ठाडो ओरालो भएकोले एकदिने पदयात्राको भारी पुग्थ्यो।  लामीडाँडाको पुछारबाट लेले मनकामना नपुगेसम्म घना जंगल यस पदमार्गको विशेषता हो। पदमार्गको बीचमा कतै पनि घर वा पसल भेटिंदैन !

प्रकृति प्रेमी समुहको आस्वा आहा हाइकिङ्गमा मौसमी फलफूलको नास्ता र खाजा तथा मुख्य खाना तीन बराबर (एक भाग अन्न, साग र तरकारी दुइथरी गरि एक भाग र एक भाग सलाद खाने गरिन्छ।  २६ गतेको हाइकिङ्ग्मा निरोगधाम समयबजी, साधेको आलु, रायोको साग, ब्रोकाउलि, सिमी आदि मिश्रित ग्रेभी तरकारी, उसिनेर साँधेको चना, प्राकृतिक लालमोहन, स्याउको सलादसहित मुख्य खाना हाईकिङ्ग प्रकृति प्रेमी हाइकिङ्ग टोलीले खाएका थिए।  प्रकृति प्रेमी समुहले हाइकिङ्गको लागि हाइकिङ्ग गर्दैन, आस्वा आहा उआविवि चेतना फैलाउन, स्वस्थ आन्तरिक पर्यटन प्रवर्द्धन गर्न हाइकिङ्ग गर्ने गर्छ।  यसैले आहार मात्र स्वास्थ्यवर्द्धक होइन आस्वा आहाको मन्त्र गुन्जाउँदै हाइकिङ्ग गर्छ। २६ गते पदमार्ग आस्वा आहाको मन्त्रले गुन्जायमान भएको थियो !

हाइकिङ्ग् बीचमा छोटो ज्ञानवर्द्धक “आस्वा आहा अन्तरक्रिया” पनि गरिन्छ। २६ गते हाइकिङ्ग कार्यक्रमका संयोजक, प्रकृति प्रेमी समुहका सचिव रामदेवी महर्जनले ज्ञानवर्द्धक अन्तरक्रिया संचालन गर्नु भएको थियो भने सहभागीहरुले अनुभव बाँड्नु भएको थियो।  सो कार्यक्रममा प्रकृति प्रेमी समुहका उपाध्यक्ष यशोदा दाहाल, कार्यसमिति सदस्य तेजराम महर्जन प्रकृति प्रेमी समुहका जेष्ठतम आजीवन सदस्य ८१ वर्षका कृष्णसुदन महर्जनले स्वयंसेवकको रुपमा पदयात्री मित्रहरुलाई सहयोग गर्नु भएको थियो। वरिष्ठ पत्रकार अमृत भादगाउंलेले पदयात्रीहरुसँग रोचक कुराकानी गर्दै, फोटो सेसन गर्दै  पदयात्रीहरुलाई रोमान्चित गर्नुभएको थियो।

अर्को रमाईलो पदयात्रा माघ महिनाको दोस्रो शनिबार अर्को रमाइलो ठाउँमा हुनेछ, उत्साहपूर्वक प्रतीक्षा गर्नु होला।

====================================================================