घरघरमा आ. डा., टोलटोलमा योग-व्यायाम स्वध्यायशाला !
प्रकृत्ति प्रेमी समूह संस्था, निरोगधाम द्वारा सञ्चालन गरिएको “दैनिक आस्वा आहा योग–व्यायाम स्वाध्याय कार्यक्रम” देशभरका टोलटोलमा स्वास्थ्य, चेतना र प्राकृतिक जीवनशैलीको अभ्यासलाई विस्तार गर्ने उद्देश्यले सुरु गरिएको सामुदायिक अभियान हो।
यस कार्यक्रम अन्तर्गत सहभागीहरूलाई उचित आहार, विहार र विचार को आधारमा आत्म–स्वास्थ्य सचेत बनाइन्छ। हप्ताको ६ दिन बिहान एक घण्टा सञ्चालन हुने यस कार्यक्रमले शरीर, मन र आत्माको सन्तुलन कायम राखी निरोगी र आनन्दित जीवनशैली अपनाउन सहयोग पुर्याउँछ।
कार्यक्रममा सहभागीहरूले निम्न मुख्य अभ्यासहरू सिक्छन् —
-
योग आसन र प्राणायाम : शारीरिक लचकता, सन्तुलन र उर्जा वृद्धिका लागि।
-
ध्यान र स्वाध्याय : मानसिक स्पष्टता, शान्ति र आत्मज्ञानका लागि।
-
आस्वा आहा सिद्धान्त : आफ्नो स्वास्थ्य आफ्नै हातमा लिने व्यवहारिक मार्गदर्शन।
-
समूह सत्रहरू : पारस्परिक प्रेरणा, अनुशासन र सामुदायिक एकता प्रवर्द्धन।
यस अभियानको उद्देश्य हरेक टोलमा स्वास्थ्यप्रेमी समुदाय निर्माण गरी, “स्वास्थ्य आफ्नै हातमा” भन्ने सोचलाई व्यवहारमा रूपान्तरण गर्नु हो।
हजारौँ नागरिकले यस दैनिक अभ्यासबाट जीवनमा सकारात्मक परिवर्तन अनुभव गर्दै, रोगमुक्त र आनन्दमय जीवनशैली अपनाएका छन्।
