आस्वा आहा – आफ्नो स्वास्थ्य आफैं हेरचाह गर्ने तथा स्व–उपचार परामर्श कार्यक्रम
आस्वा आहा (आफ्नो स्वास्थ्य आफ्नै हातमा) उआविवि अभियान अन्तर्गत प्रकृत्ति प्रेमी समूहद्वारा सञ्चालन गरिएको यो एउटा व्यावहारिक र जीवन परिवर्तनकारी स्वास्थ्य स्वाध्याय–परामर्श कार्यक्रम हो। यसको उद्देश्य मानिस (सदस्यहरु) लाई आफ्नो शरीर, मन र जीवनप्रति जिम्मेवार बनाउँदै आफ्नो स्वास्थ्य आफ्नै हातमा लिन र स्व–उपचारको सिद्धान्त र व्यवहार सिक्न सहयोग गर्नु हो।
यस कार्यक्रम अन्तर्गत सहभागीहरूलाई प्राकृतिक तरिकाले रोग निवारण, आहार व्यवस्थापन, ध्यान–योग अभ्यास, मानसिक सन्तुलन र उचित ढाँचामा जीवनशैली सुधारका उपायहरू सिक्न सहयोग गरिन्छ। अनुभवी सदस्यहरु तथा प्रकृति प्रेमी समुहका योग तथा उआविवि अभियन्ता (योग तथा उचित आहार, विहार र विचार अभियन्ता) को मार्गदर्शनमा यो कार्यक्रमले औषधिमा निर्भर नभई आफ्नो शरीरलाई बुझ्ने, सुधार्ने र सन्तुलनमा राख्ने सीप प्रदान गर्छ।
मुख्य उद्देश्यहरू:
- आत्म–सजगता र आवस्यक पर्दा सरल प्राकृतिक उपचार, आत्म–उपचार क्षमताको विकास गर्ने,
- शरीर, मन र आफूबीच सन्तुलन कायम राख्ने व्यवहारिक उपाय सिकाउने
- स्वस्थ जीवनका लागि स्वअनुशासन र स्व–प्रेरणा जागृत गर्ने, उचित आहार, विहार र विचारद्वारा निरोगी जीवनशैली प्रवर्द्धन गर्ने,
आस्वा आहा परामर्श कार्यक्रम आत्मनिर्भर स्वास्थ्य अभ्यासमा गर्न चाहने सबैका लागि उपयुक्त छ। यो कार्यक्रमले “स्वास्थ्य आफ्नै हातमा लिने सशक्त यात्रा” सुरु गर्न सहयोग गर्छ। यसको लागि प्रकृति प्रेमी समुहको निरोगधाम सदस्यता लिन हामी सबैलाई स्वागत गर्दछौं।
सदस्यताका लागि निम्न फाराम भरी अन्लाईनबाटै पठाउन हुन वा संस्थाको कार्यालय निरोगधाम सातदोबाटोमा आउनु हुन अनुरोध छ।
यो फाराम डाउनलोड गरेर पनि भरेर पठाउन सकिन्छ :
अनलाइन फाराम भर्न निम्न लिंक क्लिक गर्नुहुन अनुरोध छ :
प्रकृति प्रेमी समुह, निरोगधाम सदस्यता शुल्क (सहयोगराशी) रू. १,५००/- (एकहजार पाँचसय मात्र) फोनपे मार्फत् जम्मा गर्न सकिन्छ।
आर्थिक रुपमा असमर्थलाई निशुल्क सदस्यता दिने व्यवस्था पनि छ।
