११ औं राष्ट्रिय योग दिवस साताव्यापी कार्यक्रमअन्तर्गत २०८२ माघ ३ गते बिहान योग तथा स्वास्थ्य चेतना फैलाउने उद्देश्यले सातदोबाटो, निरोगधामदेखि तल्छिखेल, नखीपोट, नख्खु खोला, खोकनादोबाटो, बुङ्गमति, कार्यविनायक, खोकना, भैंसेपाटी, सातदोबाटोसम्म र त्यहाँबाट फेरी सातदोबाटोसम्म १२ किमी प्रभातफेरी (मर्निङ्ग वाक) कार्यक्रम सम्पन्न भयो। प्रकृति प्रेमी समूह, आस्वा आहा योग स्वाध्याय अभियानका अभियन्ता तथा स्वाध्यायार्थीहरु सहभागी सो कार्यक्रममा योग-स्वास्थ्यवर्द्धक नारा तथा गीतले जनसमुदायलाई उचित आहार, विहार र विचार तथा योग अभ्यास गरी निरोगी, आनन्दित र स्वतन्त्र जीवन यापन गर्न सचेत र प्रेरित गरिएको थियो। ऐतिहासिक बस्ति बुन्गमति र खोकना परिक्रमा गर्दा स्थानीय जनता उत्सुकतापूर्वक मुस्कानसहित स्वागत मुद्रामा देखिन्थे। प्रभातफेरीमा सहभागीहरुलाई खोकना योग-व्यायाम स्वाध्यायाशालाका सदस्यहरुले रोज्मेरिको चिया र स्वास्थ्यवर्द्धक आटाको केक नास्ता गराउनु भएको थियो।