उद्घाटन सत्र कार्यक्रममा संस्थाका निवर्तमान अध्यक्ष पुरेन्द्रविक्रम लाखे सभापति र  निरोग-आनन्दधाम रहेको कोञ्ज्योसम गाउँपालिकाका अध्यक्ष कृष्णमान लामा प्रमुख अतिथि र  उपाध्यक्ष राजनप्रसाद घिमिरे विशिष्ट अतिथि हुनुहुन्थ्यो। प्रकृति प्रेमी समूह कार्य समिति सदस्य कृष्णलक्ष्मी बाराहीले कार्यक्रम संचालन गर्नु भएको थियो भने अतिथि तथा सहभागी आजीवन सदस्य मित्रहरुलाई  स्वागत कार्यवाहक अध्यक्ष यशोदा दाहालले गर्नु भएको थियो। आजीवन सदस्य शेरबहादुर महर्जनले निराेग-आनन्दधामकाे गान गाएर स्वागत गर्नु भएकाे थियाे । आजीवन सदस्य तथा भक्तपुर जिल्ला शिक्षा विकास तथा समन्वय अधिकारी कमला ज्ञवालीले उचित आहार, विहार र विचार प्रयाेगबाट आफ्नाे जीवनमा आएकाे आमूल परिवर्तनकाे अनुभव प्रस्तुत गर्नु भएकाे थियाे । अतिथिहरुले आफू सक्दाे सहयाेग गर्ने प्रतिवद्धता व्यक्त गर्नुभयाे । आ. डा. उमेश श्रेष्ठले अतिथिहरुलाई धन्यवाद ज्ञापन गर्नुका साथै “निरोग-आनन्दको रहस्य, म कसरी आ. डा. (आफ्नो डाक्टर) भएँ ?” पुस्तक उपहार दिनु हुँदै पुस्तकमा व्यक्तिगत स्वास्थ्य कसरी ठीक राख्न सकिन्छ भन्ने कुरादेखि राज्य संचालनका निकायहरुमा बस्नेहरुले जनतालाई स्वस्थ बनाउन केके गर्नुपर्छ भन्ने कुरा पनि रहेको स्पष्ट गर्नु भयो। अन्तमा कार्यक्रमका सभापति पुरेन्द्र विक्रम लाखेले पहिलो चरण सम्पन्न भएको घोषणापछि कार्यक्रम सम्पन्न भयो।

१५ मिनेटको विश्रामपछि दोस्रो चरण, बन्द सत्र सुरु भयो।  काबु बाहिरको विशेष कारणले संस्थाका सचिव रामदेवी महर्जन कार्यक्रममा उपस्थित हुन नसकेकोले कार्यक्रम संचालक कृष्णलक्ष्मी बाराहीले संस्थाको २०८१/०८२ को वार्षिक प्रतिवेदन र आर्थिक वर्ष २०८२/०८३ को कार्य योजना  साधारण सभामा प्रस्तुत गर्नुभयो। संस्थाको २०८१/०८२ को आय-व्यय र आर्थिक स्थितिको आर्थिक प्रतिवेदन र आर्थिक वर्ष २०८२/०८३ का लागि आय र व्ययको अनुमानित खाका (वार्षिक बजेट) संस्थाका कोषाध्यक्ष श्यामकृष्ण श्रेष्ठले प्रस्तुत गर्नुभयो। कार्य समिति सदस्य राजेश तुलाधरले लेखापरीक्षकको प्रतिवेदन प्रस्तुत गर्नुभयो।

सबै दस्तावेज प्रस्तुत भएपछि साधारण सभामा उपस्थित सदस्यहरु ५ समुहमा विभाजन भई प्रस्तुत दस्तावेजहरुमाथि वृहत छलफल गरियो।  समुहगत रुपमा वृहत छलफल सम्पन्न भएपछि समुहका संयोजकहरुले आ-आफ्नो समुहमा भएका छलफलको सारांश र उठेका जिज्ञाशा र सुझाउ प्रस्तुत गर्नुभयो। ५ नं. समुहबाट राजु पुडासैनी, ४ नं. समुहबाट सन्तुष्टकुमार बस्नेत, ३ नं. समुहबाट हेमा श्रेष्ठ, २ नं. समुहबाट राजु व्यंजनकार र १ नं. समुहबाट कमला ज्ञवालीले आ-आफ्नो समुहबाट छलफलको सारांश, उठेका जिज्ञाशा र सुझाउहरु प्रस्तुत गर्नु भयो।

सबै समुहको प्रस्तुति सकिएपछि कार्यसमितिको तर्फबाट आ. डा. उमेश श्रेष्ठले जिज्ञाशाहरुको विस्तृत रुपमा स्पष्टिकरण दिनु भएपछि सबैको जिज्ञाशा शान्त भयो र आएका सुझाउहरु कार्य समितिले सहर्ष, सधन्यवाद ग्रहण गर्ने कुरा घोषणा भएपछि सबै दस्तावेजहरु सर्वसम्मतिबाट पारित भयो।

संस्थाका लेखापरीक्षकबारे उठेको जिज्ञाशामा पनि स्पष्टिकरणपछि साविक कै लेखापरिक्षक सि. ए. सुमन डंगोललाई नै आगामि आर्थिक वर्षका लागि पनि लेखापरीक्षक नियुक्ति गर्ने कुरामा सर्वसम्मति भयो।

यसप्रकार संस्थाको २३ औं साधारण सभा सभ्य, भव्य र उल्हासमय वातावरणमा सफलता पूर्वक सम्पन्न भयो।

२३ औं साधारण सभाले आर्थिक वर्ष २०८२/०८३ संस्थाको रजत महोत्सव वर्ष भएकोले यस वर्षमा संस्थाले छलाङ्ग लगाउने योजना गरेको छ।

साथै अन्य विविध महत्वपूर्ण कार्यक्रमहरु संचालन गर्ने !